Tate Kalunga,
Tal' oshigwana shetu
Neho lyolukeno;
Omuwa, tu sil' ohenda!
Mevi ndi lyetu
Maluhodhi tu ga na,
Mbinzi oya tika;
Omuwa, tu sil' ohenda!
Tate, u tu shi:
Otse aadhinwalela
Mokati kiigwana;
Omuwa, tu sil' ohenda!
Tate, dhima po
Mayonagulo getu.
Twa yono kungoye;
Omuwa, tu sil' ohenda!
Tate, lotitha
Iihuna mevi lyetu.
Nkugo yetu uva;
Omuwa, tu sil' ohenda!
Helena Shuuladu, Ehangano 656