Puer natus in Bethlehem
Unde gaudet Jerusalem.
Alleluia!
Assumsit carnem Hominis
Verbum Patris altissimi.
Alleluia!
Per Gabrielis nuncium
Virgo concepit filium.
Alleluia!
De matre natus Virgine
Sine virili semine.
Alleluia!
Magi de longe veniunt
Aurum, thus, myrrham offerunt.
Alleluia!
Intrantes domum inuicem
Natum salutant hominem.
Alleluia!
In hoc natali gaudio
Benedicamus Domino.
Alleluia!
Laudetur sancta trinitas,
Deo dicamus gratias.
Alleluia!
Piae Cantiones, Synnytti piltin Betlehem